बिहान सबेरै नित्यकर्म गर्दा जप्नुहोस् यो मन्त्र, धन प्राप्तिसँगै मिल्नेछ शान्ति
जीवनमा सफलताका लागि हरेक दिन मानिसहरुले विभिन्न उपाय खोजिरहेका हुन्छन् । तर शास्त्रलाई अनुशरण मात्र गर्ने हो भने धेरै कुरा सहज हुन्छ ।
बिहान सबेरै उठी स्नान गरेर शुद्ध र पवित्र मनले मन्त्र जपे कुनै पनि कर्म गरेकोे फल प्राप्ति अवश्य हुने शास्त्रले बताएका छन् । शास्त्रहरुले कुन काम गर्न कुन मन्त्रको प्रभाव बढी रहन्छ भन्ने विषयमा पनि उल्लेख गरिएको पाइन्छ ।
यदि जीवनमा धन प्राप्तिसँगै हरेक काममा सफलता चाहानुहुन्छ भने हरेक दिन बिहान नित्यकर्म पश्चात स्नान गर्ने समयमा गंगा चालिसा स्नान मन्त्रको जप गर्नाले तपाइको जीवनमा सुख, शान्ति र ऐश्वर्य प्राप्ति हुने विश्वास गरिन्छ । तसर्थ बिहान सबेरै उठेर मन्त्र जाप गर्ने बानी बसालौँ ।
यस्तो छ मन्त्र
गंगे च यमुने चैव गोदावरी सरस्वती।
नर्मदे सिन्धु कावेरी जले अस्मिन् सन्निधिम् कुरु।।
