काठमाडौंको गौशालाबाट घुस लिंदालिंदै प्रहरीका २ सई अख्तियारको फन्दामा
काठमाडौं : काठमाडौंको गौशालाबाट दुई जना नेपाल प्रहरीका नायव निरीक्षक (सई)लाई घुसको रकमसहित रंगेहात पक्राउ परेका छन् ।
अख्तियार दुरुपयोग अनुसन्धान आयोगले उक्त दूई जनालाई घुसको रकमसहित गौशालाबाट रंगेहात पक्राउ गरेको हो ।
पक्राउ पर्नेमा महानगरीय प्रहरी प्रभाग गौशालामा कार्यरत सईद्वय रेशम पाण्डे र राजु स्वर्णकार रहेको अख्तियार दुरुपयोग अनुसन्धान आयोगका प्रवक्ता प्रदीप कुमार कोइरालाले जानकारी दिए ।
उनले भने ‘गौशाला आसपासबाट १८ हजार घुससहित प्रहरीका दुई असईलाई बुधबार साँझ समातेका छौं, केही बेरपछि बिस्तृत जानकारी सार्वजनिक गर्नेछौं । पक्राउ परेका उनीहरुमाथि अख्तियारले अनुसन्धान सुरु गरिरहेको छ।
