अविरल वर्षापछि बढ्यो बाढीको त्रास, रुपन्देहीमा पनि बगायो १ घर
बुटवल : अविरल वर्षापछि आएको बाढीले मुलुकका विभिन्न स्थानमा भौतिक तथा मानवीय क्षति भैरहँदा बुटवल उपहानगरपालिका(१२ ढवाहमा पनि एउटा घर बगाएको छ ।
पिसपार्क नजिकै रहेको दीपक विकको घर मंगलबार राति १ बजे सतगढी खोलामा आएको बाढीले बगाएको प्रहरीले जनाएको छ । जोखिमका कारण मंगलवार सुरक्षित स्थानमा सारिएकाले मानवीय क्षति भने नभएको इलाका प्रहरी कार्यालय बुटवलका पहरी नायव उपरीक्षक भीमलाल भट्टराइले जानकारी दिए । दीपकको परिवार छिमेकीको घरमा बसेका छन् ।
बाढीको सम्भावनालाई मध्यनजर गर्दै वारिपारि सशस्त्र प्रहरी, नेपाल प्रहरी र स्थानीयको सहयोगमा खोलामा जाली तथा ढुंगाको पर्खाल लगाए पनि मंगलबार राति आएको ठूलो बाढीका कारण घर बगेको हो ।
