कोरियामा ताइफुन दनास’ सामुद्रिक आँधी आउने खतरा, नागरिकलाई सचेत रहन आग्रह
कोरियाली प्रायद्वीपको जेजुसहित दक्षिणी क्षेत्रका नागरिकलाई कोरियाली सरकारले सर्तक रहन आग्रह गरेको छ । आज राति सम्म ‘ताइफुन दनास’ सामुद्रिक आँधी आउन लागेकाले सतर्क रहन सरकारले नागरिकसँग आग्रह गरेको हो ।
केन्द्रीय प्रेसर ९ सय ९० हेक्टोपास्कल्स रहेको उक्त सामुद्रिक आँधी ताइवानको ३ सय ६० किलमेमिटर उत्तरी समुन्द्रबाट सुरु भएर प्रतिघण्टा २४ किलोमिटरको दूरीमा अगाडि बढिरहेको कोरियाको मौसम विज्ञान शाखाले जनाएको छ ।
शुक्रबार बिहान ३ बजेबाट सुरु भएको उक्त आँधी शुक्रबार रातिसम्म कोरियाको जेजु आसपासका क्षेत्रमा आइपुग्ने र शनिबार रातिसम्म कोरियाको पूर्वी समुन्द्र हुँदै अगाडि बढ्ने शाखाले जनाएको छ ।
यस आँधीका कारण कोरियाको जेजु टापुमा ७ सय र अन्य क्षेत्रमा २ सयदेखि ५ सय मिलिमिटरसम्म वर्षा हुनसक्ने शाखाको अनुमान गरेको छ ।
