ओखलढुंगामा बस दुर्घटना : ३ को मृत्यु, १५ जना घाइते
ओखलढुंगााको डढुवामा यात्रुबस दुर्घटना हुँदा ३ जनाको मृत्यु भएको छ ।
मृत्यू हुनेमा बसका चालक झापाका कृष्ण बहादुर बस्नेत, सोलुदुधकुण्ड नगरपालिका ५ की माया थापा र सिन्धुली कमलामाईका लाल बहादुर धाँमी रहेका छन् । ३ जनाकै घटनास्थलमै मृत्यु भएको हो ।
झापाको काँकरभिट्टाबाट सोलुखुम्बु जाँदै गरेको मे १ ख १८९१ नम्बरको बस दुर्घटना हुँदा ३ जनाको मृत्यु हुनुका साथै अन्य १५ जना घाइते भएको जिल्ला प्रहरी कार्यालय ओखलढुंगाले जनाएको छ । घाइते मध्ये गम्भीर ४ जनालाई उपचारका लागि काठमाडौं ल्याइएको छ भने बाँकीको उदयपुरको घुर्मी स्वास्थ्य संस्थामा उपचार भइरहेको छ ।
चिप्लोबाटो भएका कारण बस सडकबाट अनियन्त्रित भइ दुर्घटना भएको हुन सक्ने प्रहरीको अनुमान छ ।
