रोटा वर्ष २०१९-२० प्रारम्भ : रोटरी डिस्ट्रिक ३२९२ को डिस्ट्रिक अवार्ड सम्पन्न
काठमाडौं : रोटरी डिस्ट्रिक्ट ३२९२ नेपाल भूटानको गत रोटा बर्ष २०१८–१९को डिस्ट्रिक्ट अवार्ड कार्यक्रम सम्पन्न भएको छ । जुन ३० तारिक आइतवारका दिन काठमाडौंको सोल्टी होटलमा एक समारोहका वीचमा उक्त अवार्ड समारोह सम्पन्न भएको हो । जुन एक तारिकवाट नयाँ रोटा वर्ष २०१९-२० प्रारम्भ भएको छ ।
नेपालमा रहेका कुल ११९ क्लव मध्ये जम्मा ४७ रोटरी क्लवलेमात्र अवार्डका लागि आवेदन दिएका समारोहमा बताइएको थियो । कार्यक्रममा गत वर्षका डिस्ट्रिक्ट गर्भनर चिन्तामणी भट्टराईले प्रत्यक्ष या पारोक्ष रुपमा आफ्नो कार्यकाललाई सफल बनाउन सहयोग गर्ने रोटरी क्लव, डिस्ट्रिक्ट अफिसियल लगायत सवैलाई आभार प्रकट गरेका थिए ।
यसैविच टिआरएफ अवार्ड, भोकेश्नल अवार्ड, वेस्ट प्रेसिडेन्ट रिजन २ को अवार्ड रोटरी क्लव अफ त्रिपुरेश्वरले हात पारेको छ । त्यस्तै बेस्ट प्रेसिडेन्ट अफ द इयरमा रोटरी क्लव अफ बुटवलका गत रोटरी वर्षका अध्यक्ष नारायण प्रसाद पन्थी बने । बेस्ट क्लव अफ त इयर रोटरी क्लव धुलिखेल बनेको छ ।
बेस्ट सिग्नेजर प्रोजेक्ट अवार्ड नारायणी मिडटाउनले बाजी मारेको छ । समारोहमा दर्जनौको संख्यामा विभिन्न बिधामा एक वर्षको अवधिमा आफुलाई अब्बल प्रमाणित गर्न सफल विभिन्न रोटरी क्लवलाई डिस्ट्रिक्ट अवार्ड प्रदान गरिएको थियो ।
