चीनले सामाजिक सन्जालमा प्रतिबन्ध लगाए पनि नेपालका लागि चिनियाँ राजदूत अब ट्वीटरमा
काठमाडौं : चीन सरकारले ट्वीटर, फेसबुक जस्ता सामाजिक सन्जालमा प्रतिबन्ध लगाए पनि नेपालको लागि चिनियाँ राजदूतावासले राजदूत होउ यान्छीको भने ट्वीटर अकाउन्ट खोलेको छ ।
राजदूत यान्छीको औपचारिक गतिविधिको जानकारी अब ट्वीटरबाट पनि थाहा पाइने भएको हो । उनको ट्वीटर ह्याण्डल @PRCAmbNepal हो । यसमा उनका कार्यक्रमबारे जानकारी दिइने छ ।
Glad to attend the Fourth International Conference on Belt and Road for Development and Prosperity of South Asia. China will further enhance cooperation under BRI to promote the economic and social development with neighbors including South Asian countries @PradeepgyawaliK pic.twitter.com/VOmkL4dRjv
— Ambassador Hou Yanqi (@PRCAmbNepal) June 20, 2019
यसमा नेपालका लागि चिनियाँ राजदूत यान्छीले पहिलो पटक दक्षिण एसियाको विकास र समृद्धिको लागि बेल्ट एण्ड रोड सम्बन्धी एक गोष्ठीको तस्वीरसहित आफ्नो संक्षिप्त भनाइ ट्वीट गरेकी छन् ।
यो कार्यक्रममा सहभागी हुन पाउँदा आफूलाई खुसी लागेको बताउँदै उनले छिमेकी र दक्षिण एसियाली देशहरुको सामाजिक तथा आर्थिक विकासका लागि चीनले साझेदारी गर्ने जानकारी दिएकी छन् ।
