जलविद्युत आयोजनाको स्काभेटरमा अज्ञात समूहद्वारा आगजनी
सोलुखुम्बु : सोलुखुम्बुमा ८६ मेगावाट क्षमताको सोलुखोला दूधकोशी जलविधुत आयोजनाको निर्माणमा प्रयोग भएका स्काभेटरमा अज्ञात समूहले आगजनी गरेको छ ।
सोलुखुम्बुको सोलुदुधकुण्ड नगरपालिका-११ पिङ्गलाको भदौरे भन्ने ठाउँमा अज्ञात समूहद्वारा निर्माण क्षेत्रमा रोकेर राखिएको स्काभेटरमा शनिबार राति आगजनी गरेको जिल्ला प्रहरी कार्यालय सोलुखुम्बुले जनाएको छ ।
स्काभेटर आगजनी गरिएको क्षेत्रमा प्रेसरकुकर बम समेत फेला परेको प्रहरीले जनाएको छ । आगजनी भएका स्काभेटरबारे बुझ्न गएको प्रहरीको टोलीले घटनास्थलमा प्रेसर कुकर बम राखिएको देखेपछि डिस्पोजका लागि सेनालाई खबर गरिएको छ ।
उक्त बम डिस्पोज गर्न सुनसरीको इटहरीबाट नेपाली सेनाको बम डिस्पोजल टोली आउँदै गरेको जिल्ला प्रहरी कार्यालयले बताएका छन् ।
