म्यानपावर कम्पनीले अब ‘एजेन्ट’ राख्न नपाउने, ठगिको अन्त्य गर्न ‘एजेन्ट ब्यवस्था’ खारेज
वैदेशिक रोजगार व्यवसायीहरुले आफ्ना म्यानपावर कम्पनीमा प्रतिनिधि (एजेन्ट) राख्न नपाउने भएका छन्। यदि एजेन्टमार्फत् वैदेशिक रोजगारीका काम कारबाही अघि बढाइएमा सरकारले त्यस्ता म्यानपावरलाई कारबाही गर्ने जनाएको छ।
केही नेपाल ऐन संसोधन गर्न बनेको ऐन २०७५ सरकारबाट २०७५ फागुन ११ प्रमाणीकरण भई वैदेशिक रोजगार ऐन २०६४ संसोधन भएसँगै म्यानपावर कम्पनीहरुले एजेन्ट राख्न पाउने प्रावधान खारेज भएको हो।
म्यानपावर कम्पनीले वैदेशिक रोजगारीसम्बन्धी कुनै पनि काम एजेन्टमार्फत नगराउन सरकारले सूचना समेत जारी गरेको छ।एजेन्टमार्फत् वैदेशिक रोजगारीमा जटिल किसिमका ठगि बढ्दै गइरहेकाले सो ठगिको अन्त्य गर्नका लागि एजेन्ट खारेजीको प्रकृया अगाडि बढाइएको विभागका महानिर्देशक भीष्मकुमार भुसालले जानकारी दिए।
