देशभरका मुसलमान ‘इद उल फित्र’ पर्व मनाउँदै : राष्ट्रपति, प्रधानमन्त्री तथा मुख्यमन्त्रीहरुको शुभकामना
दशौँ महिनाको पहिलो दिन अरबी पात्रो हिजरी संवत अनुसार बुधबार देशभरका मुसलमानले विशेष नमाज पाठ गरी ठूलोबडाबाट आशीर्वाद लिएर इद उल फित्र पर्व मनाउँदै छन् ।
आशिर्वाद लिन आउने आफन्तलाई सेवइ, खजुर लगायत मीठा खानेकुरा खान दिने चलन छ । काठमाडौँका मस्जिदमा बुधबार बिहान नमाज पढेर शुभकामना आदान प्रदान गरी इद उल फित्र मनाएका छन् ।
विशेष नमाज पाठ गरेपछि तीन दिनसम्म आफूभन्दा ठूलाबडाकहाँ गएर आशीर्वाद तथा आफूभन्दा सानालाई आशीर्वाद दिने गरिन्छ । सरकारले आज सार्वजनिक विदा दिएका छन् भने राष्ट्रपति प्रधानमन्त्री तथा मुख्यमन्त्रीहरुले पनि इद उल फित्र पर्वको शुभकामना दिएका छन् ।
इद उलफित्रले सद्भाव, सहिष्णुता र भाइचारा अभिवृद्धि गरोस् : उपपराष्ट्रपति
यसैबीच, उपराष्ट्रपति नन्दबहादुर पुनले इद उलफित्र पर्वले राष्ट्र निर्माण, राष्ट्रिय एकता, धार्मिक सहिष्णुता, सामाजिक सद्भाव, आपसी मित्रतालाई सुदृढ् गर्ने विश्वास व्यक्त गर्नुभएको छ ।
इस्लाम समुदायको महान वर्प इद उलफित्रको अवसरमा आज शुभकमना व्यक्त गर्दै उहाँले यस पर्वले नेपालका सबै जातजाति, भाषाभाषी, धर्म संस्कृतिका समुदायबीच आपसी सद्भाव, सहिष्णुता र भाइचाराको अभिवृद्धि गर्दै ‘समृद्ध नेपाल, सुखी नेपाली’को राष्ट्रिय अभियानमा लाग्न सबैलाई प्रेरणा देओस् भनी कामना गर्नुभएको छ ।
उपराष्ट्रपतिले इद उलफित्रका अवसरमा नेपालका सम्पूर्ण मुस्लिम समुदाय र स्वदेश तथा विदेशमा रहनुभएका सम्पूर्ण नेपालीमा सुख, शान्ति, समृद्धि एवं उत्तरोत्तर प्रगतिको शुभकामना व्यक्त गर्नुभएको छ ।
मुख्यमन्त्री राईद्वारा इद उलफित्रको शुभकामना
त्यस्तै प्रदेश नं १ का मुख्यमन्त्री शेरधन राईले इस्लाम धर्मावलम्बीको महान् पर्व इद उलफित्रको उपलक्ष्यमा सम्पूर्ण नेपाली इस्लाम धर्मावलम्बी दाजुभाइ तथा दिदीबहिनीमा सुख, शान्ति, समृद्धि एवं उत्तरोत्तर प्रगतिको कामना गर्नुभएको छ ।
आज जारी शुभकामना सन्देशमा उहाँले धार्मिक तथा सांस्कृतिक विविधतायुक्त हाम्रो देशमा मनाइने यस्ता पर्वले देशभित्र बसोबास गर्ने विभिन्न जातजाति, भाषाभाषी र धार्मिक समुदायबीच आपसी मेलमिलाप, सद्भाव र भाइचाराको भाव प्रवद्र्धन गर्दै ऐतिहासिक एवं मौलिक संस्कृति र परम्परा संरक्षण तथा संवद्र्धन गर्न महत्वपर्ण योगदान पुर¥याउँदै आएको उल्लेख गर्नुभयो ।
हाम्रो मुलुकमा मनाइने यी र यस्ता चाडपर्वको माध्यमबाट कायम हुने एकता तथा सामाजिक सद्भावलाई दिगो र दरिलो बनाउनेतर्फ लाग्नु हामी सबैको कर्तव्य भएको उहाँले उल्लेख गर्नुभयो ।
मुख्यमन्त्री लालबाब् राउतको विज्ञप्ती :
