डार्बिनमा अन्धाधुन्ध गोली चल्दा ४ को मृत्यु, २ जना घाइते
डार्बिन : अस्ट्रेलियाको नर्दन टेरिटोरी राज्यको राजधानी डार्बिनमा एक व्यक्तिले अन्धाधुन्ध गोली प्रहार गर्दा कम्तिमा ४ जनाको मृत्यु भएको छ ।
बन्दुकधारीले सटगन लिएर जथाभावी गोली प्रहार गर्दा उनीहरुको मृत्यु भएको हो । गोली प्रहारबाट कम्तिमा ४ जनाको घटनास्थलमै मृत्यु हुनुका साथै २ घाइते भएका प्रहरीले जनाएको छ ।
एक व्यक्तिले सटगनबाट जथाभावी गोली प्रहार गरेको सूचना पाएपछि प्रहरीले सहरमा सुरक्षा सर्तकता अपनाएको थियो । प्रत्यक्षदर्शीलाई उद्धृत गर्दै सञ्चारमाध्यमहरुले जनाएअनुसार बन्दुकधारीले डार्बिनको एक होटलको प्रत्येक कोठामा पसेर जथाभावी गोली प्रहार गरेका थिए ।
