प्रचण्ड निवास जाने बाटोमा पनि बम फेला
काठमाडौं : सोमबार विहानैबाट काठमाडौंका विभिन्न स्थानमा बम भेटिएको छ । नेत्रविक्रम चन्द विप्लव समूहले आह्वान गरेको नेपाल बन्दले काठमाडौंको जनजीवन प्रभावित भएको छ । विभिन्न स्थानमा बम भेटिएसँगै काठमाडौं त्रसित बनेको छ ।
सोमबार विहान ललितपुरको टुटेपानीमा भन्ने ठाउँमा पनि बम भेटियो । सेनाले यो बमलाई डिस्पोज गरेको छ ।
यो ठाउँ नेपाल कम्युनिस्ट पार्टीका अध्यक्ष पुष्पकमल दाहाल प्रचण्ड निवास जाने बाटोमा पर्छ । ललितपुरकै अन्य स्थानमा पनि विस्फोटक पदार्थ भेटिएको प्रहरीले जनाएको छ । भैंसेपाटी, खुमलटारलगायतका स्थानमा भेटिएका बम पनि सेनाले निस्क्रिय पारेको छ ।
