एकनारायण भण्डारीको ‘छिपछिपे पानीमा लेउ’ सार्वजनिक
काठमाडौँ : गीतकार तथा संगीतकार एकनारायण भण्डारी नयाँ गीतका साथमा स्रोता तथा दर्शक माझ आएका छन् ।
‘छिपछिपे पानीमा लेउ’ बोलको गीत बिहिबार बिहान भण्डारीले आफ्नै युटुव च्यानलबाट सार्वजनिक गरेका हुन् । लोक होस् या आधुनिक भण्डारीका शब्द र संगीतले सबैको मन जित्न सफल भएका छन् ।
भण्डारीको शब्द तथा संगीत रहेको उक्त गीत बिष्णु माझी र पिताम्बर जिसीले गाएका हुन् । सार्वजनिक गीतमा संगीत संयोजन भने आशिष अबिरको रहेको छ । उनको संगीत संयोजनको पक्ष पनि उत्तिकै अब्बल हुने गर्छ ।
एक पछि अर्को दोहोरी गीतहरु प्रतिस्पर्धामा आइरहेको बेला एकनारायण भण्डारीको सिर्जनामा नयाँ गीत बजारमा आएको हो ।
गीतको म्यूजिक भिडियो प्रकाश भट्टले निर्लेशन गरेको हुन् । भिडियोमा अभिनेता दिलीप रायमाझी तथा अभिनेत्री सुरक्षा पन्तलाई देख्न सकिन्छ । गीतको म्यूजिक भिडियो बिष्णु शर्मामाले सम्पादन गरेका छन् ।
