ईञ्जिनियर रमेश यादवसँग पूर्वराष्ट्रपति यादवकी छोरी अनिताको विवाह
काठमाडौं : प्रथम राष्ट्रपति डा. रामबरण यादवकी छोरी अनिता यादवको विवाह यही वैशाख २३ गते हुने भएको छ ।
उनको विवाह रौतहटका रमेश यादव (ईञ्जिनियर) सँग हुन लागेको हो । पूर्वराष्ट्रपति यादवको छोरीको विवाह धनुषाको जनकपुरस्थित आफ्नै निवासबाट हुने भएको छ ।
अनिता यादव राष्ट्रपति डा. रामवरण यादवकी एक्ली छोरी हुन् । राष्ट्रपतिको विदेश भ्रमणमा ‘फस्ट लेडी’को जिम्मेवारी सम्हाल्ने गर्थिन ।
यद्यपी, पछिल्लो समय उनको फेसबुक पेजमा अपलोड गरिएका स्ट्याटस र तस्बिरबाट बाहेक उनको औपचारिक धारणा कतै सुनिँदैन ।
