२४ घण्टाभित्र एनसेलले कर नतिरे दबावका कार्यक्रम घोषणा गरिने चेतावनी
काठमाडौं : सत्तारुढ नेकपाका युवा र विद्यार्थी संगठनका नेताहरुले २४ घण्टाभित्र एनसेलले कर नतिरेमा दबावका कार्यक्रम घोषणा गरिने चेतावनी दिएका छन् ।
वाईसीएलका अध्यक्ष रामप्रसाद सापकोटा (दीपशिखा) युवासंघ अध्यक्ष रमेश कुमार पौडेल, अनेरास्ववियु अध्यक्ष नविना लामा र अनेरास्ववियू ९क्रान्तिकारी०का अध्यक्ष रञ्जित तामाङले बिहीबार संयुक्त विज्ञप्ति निकालेर सो कुरा बताउँदै एनसेलको सिम कार्ड प्रयोग नगर्न अपिल गरेका हुन् ।
‘एनसेलले राज्यलाई तिर्नुपर्ने कर नतिर्दासम्म एनसेलको सिम प्रयोग नगर्न, नगराउन मातहतका सबै साथीहरु र आम जनसमुदायमा हार्दिक अपिल गर्दछौं,’ संयुक्त विज्ञप्तिमा लेखिएको छ ।
साथै एनसेललाई कर छुट दिने वा अन्य कुनै प्रकारका विशेष सहुलियत दिने जस्ता निर्णय नगर्न नेकपाका युवा तथा विद्यार्थी संगठनका नेताहरुले सम्बद्ध निकायहरुलाई आग्रह समेत गरेका छन् ।
हेर्नुहोस् विज्ञप्ति
