‘बर्थडे केक’ काटेर बालुवाटारमा मन्त्रिपरिषदको बैठक
काठमाडौं : प्रधानमन्त्रीको सरकारी निवास बालुवाटारमा ‘बर्थडे केक’ काटेर मन्त्रिपरिषदको बैठक सुरु भएको छ। उपप्रधान तथा रक्षामन्त्री ईश्वर पोखरेलको जन्मदिनको अवसरमा केक काटेर प्रधानमन्त्री केपी शर्मा ओलीले क्याविनेट बैठक शुभारम्भ गरेका हुन्।
बैठकअघि प्रधानमन्त्री ओलीसहित मन्त्रीहरुले रक्षामन्त्री पोखरेललाई केक खुवाएर जन्मदिन मनाएका थिए। मन्त्रिपरिषद बैठक अहिले जारी छ। बैठकले समसामयिक विषयमा निर्णय लिने बताइएको छ।
