सुशिला र श्रीहरिको ‘ह्याप्पी होली’ बोलको गीत सार्वजनिक
काठमाडौं : होली नजिकिदै गर्दा बजारमा नयाँ नयाँ होली गीत सार्वजनिक हुने क्रम बढ्न थालेका छन् । यस्तैमा गायिका सुशिला पाठकले पनि ‘ह्याप्पी होली’ बोलको गीत ल्याएकी छन् । उनलाई यो गति गायनमा श्रीहरि दाहालले साथ दिएका छन् ।
गीतमा रुपेश बास्कोटाको शब्द र संगीत छ । गीतको भिडियो पनि बनाइएको छ । समन अधिकारीले निर्देशन गरेको भिडियोमा सुरेन्द्र बसेल र समिक्षा पोखरको अभिनय देख्न सकिन्छ । प्रमोद भण्डारीको कोरियोग्राफी रहेको भिडियो टंक के।सीले खिचेका हुन् भने शिलन लम्सालको सम्पादन रहेको छ ।
