‘गेम अफ थ्रोन’ को ट्रेलर बाहिरिँदा दर्शकमा बढ्यो झन कौतुहलता
बहुचर्चित टेलिभिजन सिरिज ‘गेम अफ थ्रोन’ को अन्तिम सिजनको आधिकारिक ट्रेलर सार्वजनिक भएको छ । अमेरिकी टेलिभिजन नेटवर्क एचबिओले अन्तिम अर्थात ८औँ सिजनको ट्रेलर मंगलबार सार्वजनिक गरेको हो ।
झण्डै एक दशकसम्म विश्वभरका दर्शकको मन र उत्साह खिचेको गेम अफ थ्रोन अप्रिल १४ देखि प्रशारणमा आउँदै छ । गएको वर्ष एचबिओले गेम अफ थ्रोनको प्रशारण गरेको थिएन ।
सात सिजनसम्मको प्रशारण भइसकेको गेम अफ थ्रोनमा यो वर्ष सत्ताका लागि अन्तिम संघर्ष हुने भएको छ । सार्वजनिक भएको २ मिनेट लामो ट्रेलरले विश्वभरका दर्शकको उत्साह झन बढाएको छ ।
