आतंकवादको विरोधमा काठमाडौं स्थित पाकिस्तानी दूतावास अगाडी प्रदर्शन (भिडियो)
काठमाडौंं : आतंकवादलाई प्रश्रय दिएको भन्दै नेपाली युवाहरुको समूहले काठमाडौँस्थित पाकिस्तानी दूतावास अगाडि सोमबार प्रदर्शन गरेका छन् ।
युवाहरुको समूहले भगवान् गौतम बुद्धको तस्बिरसहितको पर्चा र पम्प्लेट बोकेर महाराजगञ्जस्थित पाकिस्तानी दूतावास अगाडि प्रदर्शन गरेका हुन् ।
प्रदर्शनमा सहभागीहरुले आफूहरु शान्तिको पक्षमा रहेको भन्दै कुनै पनि हिंसाका घटनालाई कसैले पनि बढावा दिन नहुने माग गरेका थिए ।
उनीहरुले पाकिस्तानलाई आतंकवादलाई प्रश्रय नदिन आग्रह गर्दै भारतको कश्मीरस्थित पुलवामामा भएको आत्घाती आक्रमणको पनि निन्दा गरेका छन् ।
कश्मीरको पुलवामामा भएको आत्मघाती आक्रमणमा ४२ जना भारतीय अर्धसैनिक मारिएपछि त्यसको आरोप पाकिस्तानमाथि लाग्दै आएको छ ।
पाकिस्तानमा आश्रय लिएको जैस ए मोहम्मद चरमपन्थी संगठनले आक्रमण गरेकाले त्यसको दोष पनि पाकिस्तानले लिनुपर्ने दाबी भारतको छ ।
हेर्नुस् भिडियो :
