खरदार र सुब्बा सहित सकियो १८ हजार कर्मचारीको समायोजन (सबै विवरणसहित)

- नागरिक टाइम्स/संवाददाता

७ फाल्गुन २०७५, मंगलबार ००:००

काठमाडौं : प्रशासनतर्फका सुब्बा र खरदारसहित १८ हजार ४२४ कर्मचारीहरुको सरकारले समायोजन सकेको छ । संघीय मामिला तथा सामान्य प्रशासन मन्त्रालय कर्मचारी समायोजन महाशाखाको पछिल्लो विवरणअनुसार प्रशासन सेवातर्फका ५ हजार ८०२ र राजश्वतर्फका ६७५ गरी जम्मा ६ हजार ४७७ जना सुब्बा समायोजन भएका छन् । तिमध्ये अधिकांशको समायोजन संघमा भएको छ ।

सोमबार साँझ प्रशासन र राजश्व समूहका सुब्बा तथा प्रशासन समूहका खरिदारको समायोजन सकिएको छ ।  यसैगरी प्रशासन सेवातर्फका खरिदार ४ हजार ६०६ जनाको समायोजन पनि सकिएको कर्मचारी समायोजन महाशाखा प्रमुख एवम् सहसचिव केदार पनेरुले जानकारी दिए ।

यसअघि सचिव, सहसचिव, उपसचिव तथा प्रशासन, लेखा र राजश्व समूहका अधिकृतहरु गरी ७ हजार ३४१ जनाको समायोजन सकिइसकेको थियो । संघीय मामिला तथा सामान्य प्रशासन मन्त्रालय अन्तर्गतको समायोजन महाशाखाले सबैभन्दा पहिले सचिवबाट समायोजनको काम सुरु गरेको थियो ।

५७ सचिव सबैको संघमा समायोजन गरिएको छ । ६७६ सहसचिवमध्ये संघमा ५७४ र प्रदेशमा १०२ जना समायोजन भएका छन् । स्थानीय तहमा भने सहसचिवको दरबन्दी छैन । २ हजार ६ जना उपसचिव समायोजन भएकामध्ये संघमा १ हजार ५३१, प्रदेशमा २३७ र स्थानीय तहमा २३८ जना समायोजन भएका छन् ।

यसैगरी अधिकृततर्फ प्रशासन समूहका २ हजार ३४१ जना संघमा, ३७१ जना प्रदेशमा र १७८ जना स्थानीय तहमा समायोजन भएका छन् ।यस्तै लेखा समूहका ६१० जना अधिकृत संघमा समायोजन भएका छन् । लेखा समूहका अधिकृत प्रदेशमाभन्दा धेरै स्थानीय तहमा समायोजन भएका छन् ।

स्थानीय तहमा ३२७ र प्रदेशमा १९५ जना लेखा अधिकृतलाई समायोजन गरिएको छ । राजश्वतर्फ ५८० अधिकृतमध्ये प्रदेशमा २ जना मात्र समायोजन भएका छन् । बाँकी सबै ५७८ जना लेखा अधिकृत संघमै छन् ।

प्रशासनतर्फका खरदारहरुको विवरण हेर्नुहोस् : 

प्रशासनतर्फका सुब्बाहरुको विवरण :

राजश्वतर्फका सुब्बाहरुको विवरण :

सचिव, सहसचिव, उपसचिव र अधिकृतको विवरण :