पूर्व राजा ज्ञानेन्द्र शाह केही दिनका लगि प्रदेश १ मा, तर कसैसँग भेटघाट नगर्ने
विर्तामोड : पूर्व राजा ज्ञानेन्द्र शाह प्रदेश नम्बर १ स्थित झापाको दमक निवास बसिरहेका छन् । तर उनले कसैसँग भेटघाट भने नगरेको निकटतम श्रोतले जनाएका छन् ।
गत माघ २४ गते सिमराबाट झापा आइपुगेका पूर्व राजा ज्ञानेन्द्र अहिले दमकमा रहेको आफ्नै चिया बगान भित्रको बंगलामा छन् । पूर्व रानी कोमलको अस्वस्थताका कारण उनले अहिले कसैसँग भेटघाट नगरेको राप्रपाका नेता राम थापाले बताए ।
उनले भने, ‘म हिजो मात्र पुगेको थिएँ । भेटघाट भएन । परैबाट देखादेख मात्र भयो । अहिले मर्निङ्गवाक पनि बंगला भित्र हुने गरेको बुझेको छु ।’
उनका अनुसार केही दिनपछि पूर्व राजाले उनका निकट व्यक्तिहरुसँग भेटघाट गर्नेछन् । पूर्व राजाका निजी सचिव सागर तिमिल्सिनाका अनुसार करिब एक महिनाको झापा बसाइका क्रममा विभिन्न कार्यक्रमहरुमा निस्किने योजना छ ।
सागरले भने, ‘केही दिनपछि निर्धारित कार्यक्रमहरुमा सरिक हुने योजना छ । तर केही दिन बाहिर निस्किने र भेटघाट गर्ने कुनै कार्यक्रम छैन ।’
