टीका र आर्शिवाद थाप्न गगन थापा सिटौला निवासमै पुगे !
काठमाडौं । पहिलो पटक मन्त्री भएका कांग्रेसका युवा नेता गगन थापा शपथ लिएपछि सिधै आर्शिबाद थाप्न नेता कृष्णप्रसाद सिटौलाको निवासमै पुगेका छन् । थापा कांग्रेसको १२ औं महाधिवेशनमा पूर्वमहामन्त्री कृष्णप्रसाद सिटौलाको प्यानलबाट महामन्त्री पदमा चुनाव लडेका थिए। थापा सिटौलाकै सिफारिसमा स्वास्थ्यमन्त्रीमा नियुक्त भएका हुन् ।
शुक्रवार बिहान स्वास्थ्य मन्त्रीमा नियुक्त भएका थापा शीतलनिवासमा शपथ लिएलगत्तै टीका र आर्शिवाद थाप्न सिटौलाको निवास धुम्बाराही पुगेका हुन् । शपथ लिएपछि स्वास्थ्यमन्त्री थापा आर्शिवाद लिन सिटौलाको धुम्बाराहीस्थित निवासमा पुगेर टीका र आर्शिवाद लिँदै गरेको तस्बिर सार्वजनिक भएको छ ।
