टीकापुर आन्दोलनमा पक्राउ परेकाहरु शुक्रबार छुट्न सक्ने !
काठमाडौं ८ भदौ । तेस्रो मधेश–थरुहट आन्दोलनको क्रममा भएको टीकापुर विद्रोह पश्चात पक्राउ परेका मध्ये १९ जना शुक्रबार छुट्न सक्ने सम्भावना रहेको छ ।
उक्त मुद्दामा बहस गरिरहेका अधिवक्ता दिपेन्द्र झाका अनुसार शुक्रबार शंकर लिम्बुले अन्तिम बहस गरे पछि पक्राउ परेकाहरु छुट्न सक्नेछन् । सर्वोच्च अदालतमा हेर्दाहेर्दैमा रहेको टीकापुर घटनाका १९ जना आरोपितमाथि मुद्दामा अधिकांश अधिवक्ताहरुले बहस सकिसकेका छन् ।
टीकापुर घटना गराएको आरोपमा प्रहरीले ५८ जनामाथि मुद्दा दायर गरेको छ । पक्राउ परेका मध्ये १९ जनामाथि सर्वोच्च अदालतमा थुनछेक बहस जारी रहेको छ । ‘प्रहरी पक्षबाट ठोस प्रमाणहरु पेस हुन नसकेकोले अभियुक्त थारुहरु शुक्रबार रिहा हुने सम्भावना अधिक रहेको छ ’ अधिवक्ता झाले भने ।
