एनएनआइपिए अवार्डको लागि सम्झौतापत्रमा हस्ताक्षर
काठमाडौँ : नेपाल राष्ट्रिय तथा तथा अन्तर्राष्ट्रिय खेलाडी सङ्घले प्रदान गर्ने एनएनआइपिए अवार्डको लागि आर्दश समाज विकास केन्द्रले रु १ लाख प्रदान गर्ने भएको छ ।
सङ्घद्वारा आज यहाँ आयोजित कार्यक्रममा सङ्घका अध्यक्ष दीपक श्रेष्ठ र विकास केन्द्रकी अध्यक्ष सपना लामाले ३ वर्षका लागि वार्षिक १ लाखको दरले प्रदान गर्ने सम्झौतापत्रमा हस्ताक्षर गरेका छन् ।
उक्त सम्झौता अनुसार केन्द्रले एनएनआइपिए पत्रकारिता पुरस्कार रु २५ हजारसहित अन्य व्यवस्थापनका लागि कार्यक्रम प्रायोजना गर्नेछ । एनएनआइपिए स्पोर्ट्स अवार्ड ललितपुर सङ्ग्रहालयमा हुँदैछ ।
सोही अवसरमा राष्ट्रिय खेलकूद परिषद् ९राखेप०ले आयोजना गरेको राखेप च्याम्पियनसिपमा समावेश २९ खेलका एक÷एक पुरुष÷महिला खेलाडीलाई उत्कृष्ट खेलाडी अवार्ड प्रदान गरिनेछ ।
तिनै २९ खेलका उत्कृष्ट खेलाडीमध्येबाट सर्वोत्कृष्ट पुरुष र महिला खेलाडीको चयन गरिनेछ । सो अवसरमा एक पाका खेलाडीलाई ‘गजराज जोशी आदर्श खेलाडी अवार्ड तथा एक खेल पत्रकारलाई ‘एनएनआइपिए खेल पत्रकारिता पुरस्कार’बाट सम्मानित गरिनेछ ।
अन्तर्राष्ट्रिय जगतमा देशको नाम उच्च राख्न पसिना बगाउने खेलाडीलाई प्रोत्साहित गर्ने उद्देश्यले उक्त अवार्ड कार्यक्रमको आयोजना गर्ने गरेको सङ्घका अध्यक्ष दीपक श्रेष्ठले बताए ।
