बिग बाश लिगः सन्दिपको कसिलो बलिङ, सबैभन्दा कम रन खर्चेर ३ विकेट
काठमाडौं : अस्ट्रेलियाको घरेलु क्रिकेट लिग बिग बाश लिगमा नेपाली बलर सन्दिप लाछिानेले दोस्रो खेलमा कसिलो बलिङ गरेका छन् । हबर्ट हरिकेन्सविरुद्धको खेलमा उनले आफ्नो कोटाको ४ ओभरमा मात्रै २४ रन दिँदै ३ विकेट लिए ।
सन्दिपले प्रतिबल एक रनको औसतमा मात्र रन दिएका थिए । मेलबर्न स्टार्सका सबै ७ बलरमध्ये सबैभन्दा किफायती बलिङ उनकै रह्यो । यति हुँदाहुँदै पनि सन्दिपको टिम मेलबर्न स्टार्सले खेल जित्न भने सकेन ।
सन्दिपले आफ्नो पहिलो ओभरमा ५ रन दिँदै १ विकेट लिएका थिए । उनले यो ओभरमा एलेक्स डुलानलाई बोल्ड गरे । आफ्नो दोस्रो ओभरमा भने सन्दिपले विकेट लिन सकेनन् । यो ओभरमा उनले ७ रन खर्चिए ।
तेस्रो ओभरमा सन्दिपले म्याथ्यु वेडलाई एडम जाम्पाको हातबाट क्याच आउट गराए । उनले यो ओभरमा ८ रन खर्चिए । आफ्नो अन्तिम ओभरको पहिलो बलमै सन्दिपले बेन म्याकडर्मटलाई एलबीडब्लु आउट गरे । यो ओभरमा सन्दिपले मात्रै ४ रन खर्चिए ।
