नेकपाको स्थायी कमिटी शनिबार, जनवर्गीय र जिल्ला कमिटीको एकतालाई निष्कर्षमा पु¥याउने
काठमाडौँ : नेपाल कम्युनिष्ट पार्टी (नेकपा)को तेस्रो स्थायी कमिटीको शनिबार बस्ने बैठकमा जनवर्गीय र जिल्ला कमिटीको एकतालाई निष्कर्षमा पु¥याउने बताइएको छ ।
बैठक दिउँसो १ बजे केन्द्रीय कार्यालय धूम्रबाराहीमा बस्ने भएको केन्द्रीय सदस्य कृष्णगोपाल श्रेष्ठले जानकारी गराए । बैठकमा सचिवालय बैठकले गरेका निर्णयलाई अनुमोदन गराउने, सरकारको काम कारवाही, तल्लो तहसम्मको पार्टी एकतालाई व्यवस्थापन गर्ने र समसामयिक विषयवस्तुमाथि छलफल हुने श्रेष्ठले जानकारी गराए ।
यसअघि असारमा स्थायी कमिटी बैठक बसेको थियो । नेकपा (एमाले) र नेकपा (माओवादी केन्द्र) बीच पार्टी एकता भए पनि लामो समयसम्म स्थायी कमिटी बैठक बस्न नसक्दा नेतृत्वको आलोचना भएको थियो ।
स्थायी कमिटी बैठक नबस्दा पार्टी एकीकरण प्रक्रियासमेत लम्बिएको छ । बैठकमा सचिवालय बैठक प्रदेश कमिटीलाई पूर्णता दिए पनि जनवर्गीय सङ्गठन र जिल्ला कमिटीको भने एकीकरण हुन सकेको छैन ।
