प्रदेश १ मा लिम्बुवानले पनि मनाए कालो दिवस : पहिचान सहितको संघीयता माग
नेपाल संघीय लोकतान्त्रीक राष्ट्रिय मंञ्च र संघीय लिम्बुवान मंञ्चले संबिधान दिवसलाई कालोे दिनको रुपमा मनाएको छ । २०७२ मा जारी संबिधानले पहिचान सहितको संघीयता हुन नदिएको भन्दै संबिधान दिवसलाई आज लिम्बुवानहरुले कालो दिनको रुपमा बिरोध गरेका हुन् ।
प्रदेश १ लाई लिम्बुवान राज्य बनाउनु पर्ने र संबिभानको धारा २७४ खारेज हुनु पर्ने लिम्बुवानहरुको माग रहेको छ । प्रदेश १ भरिका लिम्बुवानहरु इटहरीमा भेला भएर दिवसको बिरोध गरेका हुन । इटहरीमा निस्कीएको बिरोध जुलुसले नगर परिक्रममा गरी कोणसभामा परिणत भएको थियो ।
कोणसभामा बोल्दै नेपाल संघीय लोकतान्त्रीक राष्ट्रिय मंञ्चका अध्यक्ष कुमार लिङदेनले जातिय आधारमा प्रदेशको संघीयता कायम नभए देश द्धन्दमा जाने चेतावनी दिए । प्रदेश शब्द हटाई पहिचानको आधारमा ११ वटा राज्य कायम गर्नुपर्ने लिङदेनको भनाई छ । सरकारले लिम्बुवानको आवाज नसुने सरकार बिरुद्ध बिद्रोह समेत गर्न सक्ने बताए ।
नेपालको इतिहाससँग जोडिएको लिम्बुवान, मगरात, शेर्पा, नेवार, थारु, धिमाल आदीको पहिचानको सम्मान सरकारले गर्नुपर्ने अध्यक्ष लिङदेनको भनाई थियो । आजकै दिन जारी गरिएको संबिधान ८० प्रतिशत जनताको हित विपरीत भएको लिम्बुवानका नेताहरुले बताएका छन् ।
