‘नेम्पा पपुलर फिल्म अवार्ड’ यस वर्ष अमेरिकामा सम्पन्न
काठमाडौँ : नेपाली चलचित्र क्षेत्रको बिकाश, बिस्तार र प्रवर्धनको उदेश्य सहित प्रत्येक वर्ष आयोजना हुदै आएको ‘नेम्पा पपुलर फिल्म अवार्ड’ यस वर्ष भने अमेरिकास्थित सिकागो शहरमा आइतबार सम्पन्न भएको छ । भुवन केसी, दिपाश्री, नीता, केदार, विल्सन लगायतको टोली अवार्डमा सहभागी हुन अमेरिका पुगेको थियो ।
‘नेम्पा पपुलर फिल्म अवार्ड’ समहारोमा पपुलर नायकको अवार्ड नायक अनमोल केसीले पाए भने नायिकातर्फ साम्राज्ञी राज्यलक्ष्मी शाहले पाइन् । सह नायक र नायिकाको अवार्ड जितु नेपाल र नीता ढुंगानाले पाए । सुप्रसिद्ध हाँस्य कलाकारको अवार्ड केदार घिमिरे र विल्सन विक्रम राईले पाए भने फिल्म ‘छक्का पञ्जा २’ ले पपुलर फिल्मको अवार्ड पाएको छ । यसै फिल्मबाट निर्देशक दिपाश्री निरौलाले पपुलर निर्देशकको अवार्ड समेत पाएकी छिन् ।
त्यस्तै पपुलर गायक सत्य स्वरुप र गायिकामा अञ्जु पन्तलाई अवार्ड दिइयो । अवार्ड समारोहमा कलाकार सुनिल थापालाई लाइभ टाइभ अचिभ्मेन्ट अवार्ड प्रदान गरियो भने युग नायकको रुपमा भुवन केसीलाई सम्मान गरियो । गेहेन्द्र धिमाललाई अचिभ्मेट अवार्ड प्रदान गरियो ।
