अत्याधुनिक सेवा सुविधासहितको ‘माया मेट्रो’अस्पताल सञ्चालनमा
कैलाली : धनगढीमा रु १० करोडभन्दा बढीको लगानीमा अत्याधुनिक सेवा सुविधासहितको ‘माया मेट्रो’ अस्पताल आजदेखि सञ्चालनमा आएको छ । धनगढी उपमहानगरपालिका–३ चटकपुरमा २५ श्ययाको उक्त अस्पताल निजी क्षेत्रबाट सञ्चालनमा आएको हो ।
अस्पतालमा २४ घण्टा आकस्मिक तथा ट्रमा सेवा, बहिरङ्ग तथा अन्तरङ्ग सेवा, अत्याधुनिक प्रयोगशाला, अत्याधुनिक डिजिटल भिडियो एक्स–रे तथा सिटीस्क्यान सेवा, आइसियु/एनआइसियु/पिआइसियु सेवा, वातानूकुलित क्याबिन, दूरबिन तथा बिना दूरबिन शल्य चिकित्सकीय सेवा, चौबिसै घण्टा फार्मेसीलगायतको सेवासुविधा रहेको माया मेट्रो अस्पतालका अध्यक्ष धिरेन्द्र साउदले जानकारी दिए ।
