#BIMSTEC : भारतीय प्रधानमन्त्री मोदी आइपुगे काठमाडौंं
काठमाडौँ : बिमस्टेकको चौथो शिखर सम्मेलनमा सहभागी हुन भारतीय प्रधानमन्त्री नरेन्द्र मोदी काठमाडौं आएका छन् ।
बहुक्षेत्रीय प्राविधिक तथा आर्थिक सहयोगका लागि बंगालका खाडीको प्रयास बिमस्टेकको औपचारिक बैठक आजबाट सुरु हुने भएको हो ।
भारतीय प्रधानमन्त्री मोदी बिहान ९ बजे तिर त्रिभुवन विमानस्थलमा ओर्लिएका हुन् । मोदी त्यहाँबाट सीधै हाेटल तर्फ गएका छन् । उनी त्यसपछि पशुपतिनाथ दर्शनका लागि जाने छन् ।
पूजाका लागि विशेष तयारी भएको पशुपतिका एक पूजारीले जानकारी दिएका छन् । मोदीलाई उपप्रधानमन्त्री ईश्वर पोखरेलले स्वागत गरेका हुन् । एयर्पोटमै उनलाई गार्ड अफ अनर सम्मान दिइएको छ ।।
