विश्वकप : रसियालाई क्रोएशियाले पेनाल्टी सुटआउटमा पराजित गर्दै सेमिफाइनलमा प्रवेश
काठमाडौं : खेलको आयोजक रसियालाई क्रोएशियाले पेनाल्टी सुटआउटमा पराजित गर्दै अन्तिम चारणमा प्रवेश ।
सेमिफाइनलमा बुधबार क्रोएशियाले इंग्ल्याण्डको सामना गर्नेछ भने त्यसअघि मंगलबार फ्रान्सले बेल्जियमसँग खेल्नेछ । दुबै खेलहरु नेपाली समयाअनुसार राति पौने १२ बजे हुनेछन् ।
शनिबार राति भएको अन्तिम क्वार्टरफाइनलमा निर्धारित समय र अतिरिक्त समयमा खेल २–२ को बराबरीमा रोकिएपछि क्रोएशियाले पेनाल्टीमा ४–३ ले पराजित गर्दै आयोजक रसियालाई स्तब्ध पारेको थियो।
डेनिस चेरिसेभले खेलको ३१ औं मिनेटमा रसियालाई सुरुवाती अग्रता दिलाएका थिए । त्यसको आठ मिनेटपछि आन्द्रेस क्रमारिकले मारिया मान्डुजिधले हेडरमार्फत गोल गर्दै निर्धारित समयको खेल बराबरीमा टुंग्गााए ।
थपिएको समयमा डोमागोज भिडाले १०० औं मिनेटमा गोल गर्दै क्रोएशियालाई अग्रता दिलाउँदा ११५ औं मिनेटमा मारियो फर्नान्डेजले हेडरमार्फत रसियाका लागि बराबरी गोल फर्काएपछि खेल पेनाल्टी तर्फ धकेलिएको थियो ।
पेनाल्टीमा रसियाका फेदोर स्मालोभको पेनाल्टी क्रोएशियाका गोलरक्षक डेनिजेल सुबासिकले बचाउ गरे भने मारिया फेर्नान्डेजले पेनाल्टी पोस्टभन्दा बाहिर प्रहार गरेपछि क्रोएशिया भाग्यमानी बन्यो ।
