अभिनेत्री ऋचा र विनोदको ‘यो पागल मन’ को पोस्टर भयो सार्वजनिक
यहि असार २९ गतेबाट प्रदर्शनमा आउन लागेको अभिनेत्री ऋचा सिंह ठकुरी र अभिनेता विनोद न्यौपाने स्टारर फिल्म ‘यो पागल मन’ को पोस्टर सार्वजनिक भएका छन् । यो पोस्टरले यी दुईको प्रेमभाव बोल्छ ।
कल्याण अधिकारी निर्देशित यस फिल्मलाई बिरेन्द्र कुमार यादब र कल्याणले मिलेर निर्माण गरेका हुन् । गौरी मल्ल, राजेश ढुंगाना, मनिष भण्डारी, बिशाल श्रेष्ठ, एनी कुँवरलगायतका कलाकारहरुको पनि यो फिल्ममा अभिनय छ ।
अर्जुन पोखरेलको संगीत रहेको फिल्मलाई शम्भु सापकोटाले खिचेका हुन् । अनिल गौतमले यसमा सम्पादनको जिम्मेवारी सम्हालेका छन् ।
कमल राइको कोरियोग्राफी रहेको ‘यो पागल मन’ मा द्वन्द निर्देशन राजु किराँतीको रहेको छ भने सामिप्यराज तिमल्सिनाले पटकथा तथा संवाद लेखेका हुन् ।
