हाटबजारका लागि हिडेको जिप सोलुखुम्बुमा दुर्घटना, छ जनाकाे मृत्यु
ओखलढुंगा : सोलुखुम्बुको दुधकुण्ड नगरपालिका–११ तिङ्लामा जिप दुर्घटना हुँदा ६ जनाको मृत्यु भएको छ । नेचा सल्यानबाट पत्ताले हाटबजारका लागि हिडेको को १ ज १८६० नम्बरको जिप शुक्रबार बिहान साढे ७ बजे तिङलाको महादेव भीरमा खसेको हाे।
मृतक १ जनाको सनाखत हुन बााकी रहेको जिल्ला प्रहरी कार्यालय सल्लेरीका प्रहरी निरीक्षक प्रविण अधिकारीले बताए।दुर्घटनामा मृत्यु भएका ५ जनाको सनाखत भएको छ।
मृत्यु हुनेमा उदयपुर सिरिसेका २१ वर्षीय कुशाङ तामाङ, सिरहा संहिठाका ३६ वर्षीय शिवकुमार यादव, खोटाङ खाल्टेका २४ वर्षीया कोपिला बस्नेत कार्की, नेचासल्यान–२ सोलुखुम्बुका ३५ वर्षीया उर्मिला बास्तोला र नेचासल्यान–२ कै २५ वर्षीया शुसीला खड्का रहेको प्रहरीले जनाएको छ।
