ब्राजिलको विश्वकपको अन्तिम अभ्यास खेलमा प्रभावशाली जित
काठमाडौं : ब्राजिलले विश्वकपको अन्तिम अभ्यास खेलमा प्रभावशाली जित निकालेको छ । भियनामा भएको अभ्यास खेलमा ब्राजिलले अस्ट्रियालाई ३-० ले हराएको हो ।
३६ औं मिनेटमा जिससले गोल गर्दै ब्राजिललाई अग्रता दिलाएका थिए । नेइमारले ६३ औं मिनेटमा गोल गर्दै अग्रता दोब्बर पारे । यस्तै ६९ औं मिनेटमा कोन्टिन्होले अर्को एक गोल थप्दै ३-० को जित निकाले ।
पाँच पटकको विश्व विजेता ब्राजिललाई यस पटक पनि उपाधिको दावेदारको रुपमा हेरिएको छ । समूह ‘ई’ मा रहेको ब्राजिलले जुन १७ तारिख अर्थात असार ३ गते स्वीट्जरल्याण्डसँग पहिलो खेल खेल्ने छ । रुस विश्वकपको समूह ‘ई’मा ब्राजिल, स्वीटजरल्याण्ड, कोस्टारिका र सर्विया छन् ।
ब्राजिललाई जिताउन नेइमार, गाब्रिएल जिसस र फिलिप काउटिन्होले गोल गरेका थिए ।
