गाउँ पसेर हात्तीले ढल्केवरमा तीन १८ घर भत्कायो, ५ राउण्ड फायर
जनकपुरधाम, २४ जेठ : धनुषाको मिथिला नगरपालिका ७ एकलेवरमा हात्ती गाउँ पसेर स्थानीयाको १८ वटा घरमा क्षति पुर्याएको छ । बुधबार राति करिब १ बजे तीन वटा हात्ती गाउँ पसेर आतंक मचाएको हो ।
तीनवटा हातीले स्थानीयको १८ वटा घरमा तोडफोड गरेको छ । तर गाउँलेहरु सचेत हुँदा मानवीय र चौपाया क्षति भने नभएको प्रहरीले जनाएको छ ।
हात्ती धपाउँन ईलाका प्रहरी कार्यालय ढल्केवरबाट गएको प्रहरी टोलीले पाँच राउण्ड गोली हावाई फायर गरेको धनुषाका प्रहरी उपरीक्षक गोविन्द थपलियाले जानकारी दिनुभयो ।
तीनै वटा हातीलाई धपाएर विहान ५ बजे नजिकै रहेको जंगल पसाएको उहाँले बताउनुभयो । हाती गाउँ पसेपछि स्थानीयहरु त्रसित बनेका छन् ।
