आकाश श्रेष्ठ र आँचल शर्माको फिल्म ‘ब्ल्याक’ को रिलिज डेट फेरबदल भदौ १ गतेबाट दर्शकमाझ आउने
काठमाण्डौ : अभिनेता आकाश श्रेष्ठ र अभिनेत्री आँचल शर्मा स्टारर फिल्म ‘ब्ल्याक’ को रिलिज डेट फेरबदल भएको छ । यसअघि जेष्ठ ११ गतेलाई प्रदर्शन मिति घोषणा गरिएको यो फिल्म अब भदौ १ गतेबाट दर्शकमाझ आउने भएको छ ।
बैशाख अन्तिम सातासम्म नेपाल चलचित्र निर्माता संघ र चलचित्र संघबीचको शेयर बाँडफाँडको विषयमा भएको विवाद र जेठ पहिलो सातादेखि घोषणा गरिएको ९यसअघि नै सहमतिमा स्थगित० आन्दोलनको कारण प्रचार(प्रसारमा प्रभाव परेको कारण देखाउँदै निर्माण टिमले फिल्मको रिलिज पोस्टपोन्ड गरेको हो ।
प्रदिप श्रेष्ठ निर्देशित यो फिल्मको ‘पल पल हरपल’ बोलको एक गीत सार्वजनिक भइसकेको छ । गीतमा आकाश र आँचलको केमेष्ट्रीलाई निकै रुचाइएको छ ।
मौनता श्रेष्ठको कथामा तयार भएको ‘ब्ल्याक’ मा कोरियोग्राफी रामजी लामिछानेको छ भने छायांकन रामशरण उप्रेतीले गरेका छन् । झन्डै एक वर्ष यस फिल्ममा समावेश विभिन्न दृश्यलाई भिएफएक्स गर्नै समय लागेको निर्माण टिमको भनाई छ ।
निर्देशक श्रेष्ठ भन्छन्, ‘फ्लोरमा जति खर्च र मेहनत गरियो, त्यो भन्दा बढि त प्रविधिसँग जुध्नुपर्यो, फिल्ममा समावेश विभिन्न दृश्यलाई भिएफएक्स गर्न मात्रै करिब १ बर्ष लाग्यो ।’
आश्मा पाण्डेको निर्माणमा बनेको फिल्ममा आकाश र आँचलका अलावा सुन्दर श्रेष्ठ, आयुष रिजाल, सुशिल क्षेत्री, धिरेन शाक्य, प्रिया रिजाल लिड अभिनयमा छन् । द्वन्द्व चन्द्र पन्तको रहेको फिल्मलाई अर्जुन जिसीले सम्पादन गरेका हुन् ।
