नायिका प्रियंका कार्कीको चलचित्र “कोहलपुर एक्स्प्रेस” र “ह्यापी डेज” प्रदर्शनमा
काठमाण्डौँ : यस अघी चैत्र ९ गते रिलिज भएको “शत्रु गते” र चैत्र ३० गते रिलिज भएको “लिलिबिली” ले अझै पनि हलहरुमा शो पाईरहदा प्रियंकाकै मुख्य अभिनय रहेको दुई चलचित्रहरु “कोहलपुर एक्स्प्रेस” र “ह्यापी डेज” रिलिज भइसकेका छन् र अहिले सबै हलहरुमा उनको मात्रै चलचित्र प्रदर्शनमा रहेका छन् । नायिका केकी अधिकारी निर्मित तथा बिशाल भण्डारी निर्दे्शित चलचित्र “कोहलपुर एक्स्प्रेस” मा प्रियंका सँगै केकी अधिकारी ऋचा शर्मा, विनोद न्यौपाने, बुद्दी तामाङ, रविन्द्र झा, कुशाग्र भट्टराई लगायत कलाकारहरुको अभिनय रहेको छ ।
त्यस्तै, त्रिकोणात्मक प्रेमकथामा आधारित चलचित्र “ह्यापी डेज” मा पनि प्रियंका सँगै दयाह्याङ राई, सञ्जय गुप्ता, दिया पुन, बिक्की जोशी लगायतको कलाकारहरुको अभिनय रहेको छ । चलचित्रलाई मिलन चाम्सले निर्देशन गरेका हुन् । यसरी हेर्दा नयिका प्रिंयकालाई चलचित्र तथा विज्ञापनगर्न भ्याई नभ्याई छ ।
उनि निकै व्यस्त रहेको कुरा पनि आँकलन गर्न सकिन्छ । जसरी भएपनि उनले आफ्नो काम र प्रमोशनलाई समय मिलाएकी छिन् त्यो त मान्नै पर्छ । चार चलचित्र एकै पटक एकै कलाकारको लाग्दा दर्शक अलमलमा पर्ने हुन् की भन्ने कुरा भने एकातिर रहन्छ । तर यो हप्ता हलहरुमा प्रियंका भर्सेज प्रियंका नै हुनेछ ।
