सडक दुर्घटना हुँदा मोटरसाइकल चालक मृत्यु
विराटनगर : सडक दुर्घटनामा परी एक जनाको मृत्यु भएको छ ।
मोरङको पथरी शनिश्चरे–१० मा बुधबार राति सडक दुर्घटना हुँदा मोटरसाइकल चालक पथरी–शनिश्चरे हसन्दहका ४८ वर्षीय हरिबहादुर केसीको उपचारका क्रममा बिहिबार मृत्यु भएको प्रहरी प्रदेश कार्यालय विराटनगरले जनाएको छ ।
डाँस खोला पुलमा रोकीराखेको को२त २४५९ नम्बरको ट्याक्टरको पछाडिको भागमा को१३प ७७२९ नम्बरको मोटरसाइकलले ठक्कर दिएपछि सो दुर्घटना भएको थियो । मोटरसाइकलमा सवार २५ वर्षीय हेमराज खड्काको टाउकोमा चोट लागेको र उनको उपचार भइरहेको प्रहरीले जनाएको छ ।
