पोखरामा यतीको विमान दुर्घटनाबाट जोगियो, अन्य उडान प्रभावित
पोखरा : पोखरा विमानस्थलमा यति एयरलाइन्सको विमान दुर्घटनाबाट जोगिएको छ । अवतरणका क्रममा विमानको चक्का ‘लक’ भएपछि समस्या आएको थियो ।
९एन–एएचयू कलसाइन विमानमा चक्का लक भएपछि धावन मार्गमै रोकिएको हो। विमानस्थलमै विमान रोकिएपछि अन्य उडान प्रभावित भएका छन् ।
२८ जना यात्रुसहित विमानले काठमाडौंबाट उडान भरेको थियो । विमानमा सवार यात्रु तथा चालक दलका सदस्य सुरक्षित रहेको पोखरा विमानस्थलले बताएको छ ।
