भारतमा रहेर बलिउडको बाटो खोज्दै छिन् : नायिका जेनिशा केसी
काठमाडौँ : नेपाली चलचित्रमा नायिका जेनिशा केसीको करिअर खासै सुखद बनेन । २ दर्जन चलचित्रमा अभिनय गरेपनि जेनिशाले सफलता भने चाख्न पाइनन् । उनले अभिनय गरेका केहि चलचित्र हिट हुँदा उनको यात्रा भने सोचेजस्तो भएन ।
अहिले जेनिशा नेपाली चलचित्रबाट हराएर भारतमा रहेर अभिनय, नृत्य सिक्दै गर्दा बोली र शैली फेरिएको छ । जेनिशाले भारतमा रहेर बलिउडको बाटो खोजिरहेको बताइन् । ‘मलाई पहिलेदेखि नै बलिउडमा जाने रहर थियो । मेरो बुबा र बलिउड नायक मिथनु चक्रवर्ती नजिकको साथी छन् । यसैले, उनकै सहयोगमा अहिले म त्यही बाटो खोजिरहेको छु ।’ उनले भनिन ।
उनले बलिउड नायक सलमान खानलाई केहि समय अगाडि भेटेको फोटो फेसबुकमा अपलोड गरिन् । जसले, नेपाली मिडियामा चर्चा पनि पायो । जेनिशाले सलमानसँगको भेटको बारेमा भनिन्, मिथुन दादाको सहयोगमा मैले सलमानलाई भेटेको हुँ । सलमानले मलाई तिम्रो आँखा राम्रो रहेछ भने, सायद उनको र मेरो चलचित्रको बिषयमा कुनै कुरा भएको थिएन ।
