तीन दिने भारत भ्रमण पुरा गरी आज प्रधानमन्त्री ओली स्वदेश फर्किँदै
काठमाडौं : प्रधानमन्त्री केपी शर्मा ओली तीनदिने भारत भ्रमण पुरा गरी आर्इतबार स्वदेश फर्किँदै छन् । गत शुक्रबार ५४ सदस्यीय टोलीको नेतृत्व गर्दै भारत गएका प्रधानमन्त्री ओली पूर्व निर्धारित कार्यतालिका अनुसार आईताबार स्वदेश फर्कन लागेका छन् ।
नेपाल फर्किनुअघि उनले उत्तराखण्डमा रहेको गोविन्दबल्लभ पन्त कृषि विश्वविद्यालयको दीक्षान्त समारोहमा भाग लिनेछन् । विश्वविद्यालयले उनलाई मानार्थ विद्यावारिधि अर्थात पीएचडीको उपाधि दिने कार्यक्रम छ ।
गएको शुक्रबार भारत गएका प्रधानमन्त्री ओली नेतृत्वको ५४ सदस्यीय टोली नेपाल एयरलाइन्सको विमानमार्फत बेलुका ८ बजेतिर काठमाडौं आइपुग्ने प्रधानमन्त्री ओलीका प्रेस संयोजक चेतन अधिकारीले जानकारी दिएका छन् । राजनीतिक भेटघाट तथा सम्झौता गरेका प्रधानमन्त्री ओली तीन दिने भ्रमण सकाएर साँझ स्वदेश फर्कन लागेका छन् ।
