अभिनेता टाइगर श्राफ चलचित्र ‘स्टुडेन्ट अफ द इयर २’को सुटिङमा व्यस्त
चलचित्र ‘बागी २’ सफल भएसँगै अभिनेता टाइगर श्राफ अर्को चलचित्र ‘स्टुडेन्ट अफ द इयर २’ को सुटिङका लागि जुटिसकेका छन् । यस चलचित्रको सुटिङ ७ अप्रिल देखि भारतको देहरादुनमा हुनेछ । यही चलचित्रको सुटिङका लागि अनन्या पाण्डे र निर्देशक पुनित मल्होत्रा आइतबार देहरादुन पुगेका छन् ।
यसअघि देहरादुनको दून स्कुल तथा एफआरआईमा चलचित्र ‘स्टुडेन्ट अफ द इयर’ को पनि केही दृष्यहरु छायांकन गरिएको थियो । जुन चलचित्रबाट आलिया भट्ट, वरुण धवन र सिद्धार्थ मल्होत्राले बलिउडमा डेब्यू गरेका थिए । चलचित्र स्टुडेन्ट अफ द इयर २ु मार्फत चंकी पाण्डेकी छोरी अनन्या पाण्डे र तारा सुतारियाले बलिउडमा डेब्यू गरिरहेका छन् । यी दुबै नयाँ हिरोइनका साथमा अभिनेता टाइगर श्राफ हुनेछन् ।
यसअघि स्टुडेन्ट अफ द इयरको निर्देशन तथा निर्माण आफैँ गरेका करण जोहरले यो चदचित्रको सिक्वेलको निर्देशनको जिम्मा पुनित मल्होत्रालाई दिएका छन् भने धर्मा प्रोडक्शनको ब्यानरमा चलचित्र निर्माण हुनेछ ।
