कपिलको नयाँ शो : ‘फ्याम्ली टाइम विथ कपिल शर्मा’
एजेन्सी : भारतका चर्चित कमेडियन कपिल शर्माले नयाँ टिभी सो ‘फ्याम्ली टाइम विथ कपिल शर्मा’ लिएर आएका छन्। यो शो आइतबार राति ८ बजेदेखि सोनी च्यानलबाट प्रशारण भएको हो।
‘द कपिल शर्मा शो’कै टिमलाई यसमा पनि देख्न सकिन्छ। यसमा किकु शारदा ‘बम्पर’, चन्दन प्रभाकर ‘चायवाला’ अनि नवजोत सिंह सिद्धिकी पनि यसमा दोहोरिएका छन्।
यो शो गेम शो हो जसमा देशका विभिन्न भागबाट परिवारलाई निमन्त्रणा दिइ सहभागी बनाइन्छ र जितेको खण्डमा फ्रिज, टिभी, कार आदि उपहार दिएर पठाइन्छ।
कपिलले होस्ट गर्ने कार्यक्रममा नेहा पेन्से पनि साथमा देखिएकी छिन। तर ट्वीटरमा उनका फ्यानहरुले यो शो ‘द कपिल शर्मा शो’ भन्दा राम्रो नलागेको भन्दै यस्ता कार्यक्रममा आफ्नो समय र मेहनत नफाल्न सुझाव दिएका छन्।
