घरमा आगलागी हुँदा तीन लाख बराबर धनमालको क्षति
राजविराज : सप्तरीको छिन्नमस्ता गाउँपालिका–३ स्थित गोविन्दपुरमा गएराति आगलागी हुँदा रु तीन लाख बराबरको धनमाल क्षति भएको छ ।
स्थानीय रमानन्द झाको घरमा खाना पकाउने क्रममा आगलागी हुँदा निजको एउटा घर र एउटा गाई गोठ जलेर नष्ट भएको छिन्नमस्ता इलाका प्रहरी कार्यालयले जनाएको छ ।
आगलागीबाट खाद्यान्न, लत्ताकपडा, भाँडावर्तन र नगद जिन्सी गरी रु तीन लाख मूल्य बराबरको क्षति भएको छ भने आगोलाई प्रहरी, स्थानीयवासी र राजविराज नगरपालिकाबाट गएको वारुण यन्त्रले नियन्त्रणमा लिएको जिल्ला प्रहरी कार्यालयले जनाएको छ ।
