व्यापारीलाई लक्षित गरी बम विस्फोटको विरोधमा आज लहान बन्द
लहान : शुक्रबार लहानमा भएको बम विस्फोटको विरोधमा आज लहान बन्दको आह्वान गरिएको छ । ८ जना घाइते हुनेगरी शुक्रबार व्यापारीहरुलाई लक्षित गरी बम विस्फोट गराइएको थियो ।
उद्योग वाणिज्य संघ, लहानले आयोजना गरेको उक्त बन्दमा जनजीवन प्रभावित भएको छ । बन्दका कारण लामो तथा छोटो दुरीका यातायातका साधनहरु चल्न सकिरहेका छैनन् । शुक्रबार लहान–७ स्थित विकास ट्रेडर्समा बम विस्फोट गराइएको थियो । उद्योग वाणिज्य संघले बम विस्फोट गराउने उपर कारबाहीको माग गरेका छन् ।
पछिल्लो समयमा लहानमा व्यापारीहरुलाई मूख्य निशाना बनाएर बम विस्फोट गराउँदै आएको छ । संघका अनुसार गत मंसिर २८ यता मात्रै व्यापारी निशाना गरेर तीनवटा विस्फोटका घटना भएका गराइएको छ ।
व्यापारीहरुले आफूहरुले ढुक्कसँग व्यापा गर्न नपाएको र सधै असुरक्षित भएर काम गर्न नसकिने भन्दै सरकारसँग सुरक्षाको माग गरेका छन् ।
