यात्रुवाहक बस चेकजाँच गर्दा लागुऔषधसहित एकजना पक्राउमा
काठमाडौँ : महानगरीय प्रहरी प्रभाग नागढुङ्गाले ठूलो परिमाणजनामा लागुऔषधसहित एकजनालाई बिहिबार पक्राउ गरेको छ ।
प्रभागबाट खटिएको टोलीले बिहिबार बिहान विराटगरबाट काठमाडौँ आउँदै गरेको ना७ख ६३४२ नंको यात्रुवाहक बस चेकजाँच गर्दा विराटनगरका २५ वर्षीय अमितकुमार साहलाई पक्राउ गरेको हो । प्रभागका प्रमुख केशवराज भट्टले साहबाट ५०० एम्पुल नुर्फिन, ५०० एम्पुल फेनार्गन, ५०० एम्पुल डाइजेल्याव र २८० ट्याब्लेट नाइट्राजेपाम वरामद गरेको जानकारी दिए ।
पक्राउ परेका अमितकुमार साहलाई थप अनुसन्धानका लागि महानगरीय प्रहरी वृत्त थानकोट पठाएको प्रभागले जानकारी दिए ।
