बाघको छाला र बन्दुकसहित दुई जनाको पक्राउ
कास्की : कास्कीको माछापुच्छे गाउँपालिका २ च्याङलुङबाट २ जनालाई बाघको छाला र बन्दुकसहित प्रहरीले पक्राउ गरेको छ । पक्राउ पर्नेमा ४० वर्षिय गमबहादुर गुरूङ र ३१ वर्षिय चन्द्र बहादुर पौडेल रहेका छन् ।
कास्कीका प्रहरीलाई आएको गोप्य सूचनाका आधारमा प्रहरी टोली र अन्नपूर्ण संरक्षण क्षेत्र एक्यापको टोलीले ती दुई जनालाई पक्राउ गरेका छन् । प्रहरी टोलीले गम बहादुर गुरूङको घरमा खानतलासी गर्दा एक थान चितुवाको छाला, एक थान भरूवा बन्दुक, बन्दुकमा लाग्ने छर्रा र खाली खोका २७ थान सहित पक्राउ गरको कास्की प्रहरी प्रमुख अशोक सिंहले बताएका हुन् ।
पक्राउमा परेका ती व्यक्तिलाई पहिले अन्नपूर्ण संरक्षण क्षेत्रले कारबाही गर्ने र त्यस पछि जिल्ला प्रहरी कार्यालयले बन्यजन्तु अंग तस्करी तथा हतियार तस्करीमा मुद्दा चलाउने सिंहले बताए । अनुसन्धान तथा सोधपुछ गर्दा चन्द्र बहादुर पौडेलले चितुवा मारी त्यसको छाला गम बहादुर गुरूङलाई राख्न दिएको प्रहरीको भनाईरहेको छ ।
