किम जोङ्ग उनलार्इ भेट्न डोनाल्ड ट्रम्प उत्तर कोरिया जादै
अमेरिकी राष्ट्ररपति डोनाल्ड ट्रम्प उत्तर कोरियाली शासक किम जोङ्ग बीच पहिलो भेटवार्ता हुदैछ । कट्टर शत्रुका रूपमा हेरिएका यी दुर्इ नेताबीच यही मे महिनामा भेटवार्ता हुने पक्का भएको छ।
किम जोङ्ग उनले उनले भेटवार्ताका लागि ट्रम्पलार्इ निम्तो नै पठाएका छन् । जसलार्इ ट्रम्पले स्वीकार गरेका छन् । उत्तर कोरियालार्इ उधृत गर्दै दक्षिण कोरियाली सरकारले जनाए अनुसार उनले यो भेटवार्ताका लागि परमाणु र मिसाइल परीक्षण तत्काल बन्द गर्न पनि सहमति जनाएका छन् ।
व्हाइट हाउसकी प्रवक्ता सारा सेन्डर्सले भनेकी छन्, “ट्रम्पले किम जोङ्ग उनको निम्ता स्वीकारेका छन् । दुवै नेताहरूबीचको भेटवार्ता उत्तर कोरियामै मे महिनामा हुनेछ।”
‘हाम्रो चहाना र जोड भनेको उत्तर कोरियाले परमाणु कार्यक्रम बन्द गर्नुपर्छु’, उनले भनिन्, ‘यसैले गर्दा उत्तर कोरियामा नाकाबन्दी लागेको हो । त्यही कारण हामीले उत्तरमाथि दबाब दिइरहेका छौँ ।’
पछिल्लो समय उत्तर कोरिया र अमेरिकाबीच वार्ता गराउने काममा दक्षिण कोरियाले मध्यस्थता गरिरहेको छ। दक्षिण कोरियाका राष्ट्रिय सुरक्षा सल्लाहकार (एनएसए) चुङ्ग युई योङ्ग नै ट्रम्प वार्ताका लागि तयार रहेको जानकारी किम जोङ्ग उनलार्इ गराएका थिए ।
अक्टोबर २००० मा बिल क्लिन्टनकी विदेश मन्त्री रहेकी मेडलिन अलब्राइटले किम जोङ्ग उनका पिता तथा त्यो बेलाका उत्तर कोरियाका शासक किम जोङ्ग द्धितीयसँग वार्ता गरेकी थिइन् ।
योङ्गले भने, “मैले ट्रम्पलार्इ किम जोङ्ग उनसँग वार्ता भइसकेको बताएँ उनी परमाणु परीक्षण रोक्ने पक्षमार हेको पनि बताएँ । उत्तरले अब अब कुनै परमाणु या मिसाइल परीक्षण नगर्ने पनि बताएँ । ट्रम्पसँग चाँडै भेट्न उन तयार रहेको पनि जानकारी गराएँ ।”
केही वर्षदेखि अमेरिका र उत्तर कोरियाबीच विवाद छ। अमेरिकाले उत्तर कोरियाले परमाणु र मिसाइल कार्यक्रम समात्त गर्नुपर्ने बताउँदै आएको छ । अघिल्लो वर्ष उत्तर झन्डै दर्जन परमाणु् र मिसाइल परीक्षण गर्यो । जसमा अमेरिकासम्म हान्न सकिने अन्तरमहादेशीय ब्यालिस्टिक मिसाइल पनि रहेको छ ।
यो मिसाइल परीक्षणपछि अमेरिकाले उत्तर कोरियामाथि बम बर्सक फाइटर जेट उडायो । यसअघि अमेरिकाले कोरियाली प्रायद्वीपमा आफ्नो लडाकु जहाज कार्ल भिन्सनलार्इ पनि पठाएको थियो । अमेरिकालार्इ देखाउन उत्तर कोरियाले समुद्री तटमा लाइभ फायरिङ पनि गरेको थियो । उत्तर कोरियाले यो देशको सबैभन्दा ठुलो फायरिङको परीक्षण रहेको जनाएको थियो ।
परमाणु परीक्षणबीच अमेरिका र उत्तरबीच जुहारी पनि बढेको थियो । उनले परमाणुको रिमोट पनि सदैव आफ्नै टेबलमा रहने बताएका थिए । उत्तर कोरियाले पछिल्लो पटक हाइड्रोजन बम समेत ६ वटा परमाणु परीक्षण गरिसकेको छ। ट्रम्पले गत जनवरीमा उत्तर कोरियासँग वार्ताका लागि तयार रहेको बताउँदै तर परमाणु परीक्षण रोक्नुपर्ने अडान लिएका थिए । गत साल ट्रम्पले वार्ताको सम्भावना खोज्न आफ्ना प्रमुख कुटनीतिज्ञलार्इ उत्तर कोरिया पठाएका थिए ।
