फोरम संसदीय दलको नेतामा अध्यक्ष यादव सर्वसम्मत
काठमाडौं : संघीय समाजवादी फोरम नेपालको संसदीय दलको नेतामा अध्यक्ष उपेन्द्र यादव सर्वसम्मत चयन भएका छन् ।
यादवलाई संसदीय दलको नेताका लागि महासचिव रामसहाय यादवले प्रस्ताव गरेका थिए । बुधबार अपराह्न तिनकुनेस्थित पार्टी केन्द्रीय कार्यालयमा बसेको संसदीय दलको बैठकले अध्यक्ष यादवलाई नेता चयन गरेको हो ।
प्रस्तावमा सबैले सहमति जनाएको सांसद प्रदीप यादवले जानकारी दिए । फोरमले मंगलबारमात्रै वाम गठबन्धन नेतृत्वको सरकारमा सहभागी हुने औपचारिक निर्णय गरेको थियो ।
यद्यपी गठबन्धनसँग लिखित सहमति हुन बाँकी छ ।
संविधान संशोधन र मधेसमा मुद्दा सम्बोधन हुने ग्यारेन्टी भएपछि फोरम सरकारमा जाने तयारीमा छ ।
