गुडिरहेको गाडीको ढोकाबाट खसेर गाडीका परिचालकको मृत्यु
भक्तपुर : गुडिरहेको गाडीको ढोकाबाट खसेर गाडीका परिचालकको मृत्यु भएको छ । मृत्यु हुनेमा रौतहटको लक्ष्मनीया घर भएका लक्ष्मण चौधरी रहेका छन् ।
भक्तपुरको मध्यपुर ठिमी नगरपालिका–३ गठ्ठाघरमा रहेको साझा पेट्रोल पम्प नजिकैको ओरालोमा सोमबार बेलुका दुर्घटना हुदा उनको मृत्यु भएको हो ।
बा २ ख ६९७६ नम्बरको गाडीको ढोकाबाट खसेर गम्भीर घाइते भएका चौधरीको उपचारको क्रममा मध्यपुर अस्पताल ठिमीमा ज्यान गएको प्रहरीले जनाएको छ । बसका चालकलाई प्रहरीले पक्रेको छ ।
